Enni 1, Blönduós


TegundLóð / Jarðir Stærð972.20 m2 8Herbergi 2Baðherbergi

Eignaver 460-6060

Enni 1, við Blönduós. 

Rúmgott, fallegt og mikið endurnýjað einbýlishús, ásamt útihúsum á fallegum útsýnisstað rétt hjá Blönduósi.  Samtals er um að ræða 972,m fm. af húsnæði og 1,5 hektara af landi.  Miklir möguleikar t.d. í ferðaþjónustu og útleigu.


Einbýlishúsið er  byggt 1980, er á tveimur hæðum með aukaíbúð og tvöföldum bílskúr. Birt stærð íbúðarhúss er 288.8 fm. Á efri hæð er aðalíbúðin sem telur 4 svefnherbergi, baðherbergi, stóra stofu og borðstofu, eldhús með borðkrók og búr innaf. Búið er að útbúa leiguíbúð á jarðhæð en þar eru 2 herbergi, eldhús, salerni með sturtu og þvottahús, auk bílskúrs með stæði fyrir tvo bíla og góðri geymslu . Einbýlishúsið er mikið endurnýjað og m.a. búið að skipta út gólfefnum og hurðum, nýleg eldhúsinnrétting og nýlegt baðherbergi ofl. Hluti af gluggum er nýlegur, stór og mikill sólpallur  smíðaður síðasta haust og hellulagt svæði að framanverðu. Hringstigi liggur á milli hæða og sér inngangur er á báðar hæðir því er einfalt að nýta allt húsið eða leigja út hluta.
Bæjarstæðið stendur hátt og húsið reisulegt með glæsilegu útsýni með allan sjóndeildarhringinn Húnaflói, Strandir og dýrðlegur fjallahringur frá vestri til austurs.
Hesthúsið er háreist eldra hús með stíum og básum fyrir 4-6 hesta á jarðhæð og hlöðulofti á efri hæð. Hér væri einnig hægt að gera skemmtilega íbúð eða útleigueiningu.
Fjárhúsið stendur spöl frá og er nýtt í dag til útleigu á stæðum eða geymslu fyrir farartæki og heyvinnsluvélar. Fyllt var í áburðargeymslu með möl og sett stór innkeyrsluhurð á gaflinn.
Hlaðan er háreist með með stórri innkeyrsluhurð og steyptu gólfi, hún er sambyggð fjárhúsum og er einnig nýtt til útleigu. Við hlið hlöðunnar standa útveggir af eldra fjárhúsi sem hugsanlega mætti endurbyggja.
Eignin er að mestum hluta í útleigu og gefur af sér góðar tekjur.
Í Nærumhverfi er hver veiði paradísin af annarri hvort sem þú vilt stunda vatnaveiðar eða laxveiðar í bestu veiðiám landsins eins og Vatnsdalsá og Laxá á Ásum ofl. ofl. 9 holu golfvöllur er í næsta nágrenni fyrir þá sem vilja slá bolta !
Annað: 
- Nýleg rotþró.
- Heitur pottur ( skel ótengd ) 
- Nýlegt kaldavatnsinntak.
- Möguleiki er á að leigja tún og beitiland. Skoðast sérstaklega.
- Tilvalið tækifæri t.d. ræktun á hrossum, ferðaþjónustu og eða útleigu.
- Húseignirnar standa á 15.000 fermetra leigulóð frá Blönduósbæ. 

- Húseignin er í einkasölu hjá Eignaveri fasteignasölu ehf. 

Nánari upplýsingar veita:
Begga           s: 845-0671   / begga@eignaver.is
Arnar             s: 898-7011   / arnar@eignaver.is
Tryggvi          s: 862-7919   / tryggvi@eignaver.is